மாங்காய்த் தலை
ந. பிச்சமூர்த்தி
முன்னுரை
இத் தொகுப்பில் 1933 முதல் சமீப காலம் வரை எழுதிய கதைகள் இடம் பெற்றிருக்கின்றன. உதாரணமாக ‘ஈசுவர லீலை’ சுதந்தரச் சங்கு வாரப் பத்திரிகை யில் 1933 – இலோ 34-லிலோ வெளியாயிற்று. ‘நாகூர் ஆண்டவர்’ தினமணி ஆண்டு மலரில் 1935-இல் வெளியாயிற்று. இரண்டாண்டுகளுக்கு முன்பு கலைமகளில் வெளியான கதையான ‘வேண்டாவரம், சுதந்தரச் சங்கு வாரப் பதிப்பு. மணிக்கொடி, சிந்தனை, கலைமகள் முதலிய பல பத்திரிகைகளில் மற்றக் கதைகள் வெளிவந்திருக்கின்றன. கலைமகளில் வெளியாகி உள்ள மற்றும் சில கதைகள் இத்தொகுப்பில் இடம் பெறாமல் போய்விட்டன.
ஆமையைப் போல் மெதுவென்று கருதினாலும் சாக்கியனைப் போல் கல்லெறிந்தான் என்று கருதினாலும் நான் கலைமகளை விட்டதில்லை. கலைமகளும் என்னை விடவில்லை.
கலைமகளுக்கு மெய்த்தொண்டாற்றி வரும் இந்தக் காரியாலயத்தாருக்கு என் நன்றி.
திருவல்லிக்கேணி,
27-11-61.
ந.பிச்சமூர்த்தி.
